கவியரங்கத்தில் கருத்துப்பேழை

 

             கவியரங்கத்தில் கருத்துப்பேழை

                     மாடே  மாடே

                       எனதருமை மாடே

                        எருமை மாடே   

                     உன்பால் எமதுயிர்  [உன்மீதுஉயிரையே வைத்திருக்கிறேன்]

                            உன்   பால் எமதுயிர்   [ எங்கள் உயிர் காப்பது  உனது பால்] 

                                                                                                    என்று விளக்க அரங்கமே அதிர்ந்தது]     

                            மாடே  மாடே

                        எனதருமை மாடே

                           எந்தன் வீடே

                          உந்தன் நாடே

                    என் நாட்டு,சாணக்கியன் நீ [சாணத்தில் புரண்டு ஐக்கியம் ஆனதால் ]

                       சாக்ரடீஸும் நீயே   [புண்ணாக்கு சாக்குகளை புரட்டிப்போடுவதால் ]

                           நீயோ கொம்பன்

                     வம்பில்லா  கொம்பன்

                         நாமோ கொம்பில்லா வம்பர்                             

                வம்பனக்குதவும் கொம்பா

                              நீ  நீடூழி வாழி                -- கவிஞர்    பால் மாடன் 

          இக்கவிதையை பாராட்டிய அரசியல் வாதி, சமகாலகவிதை ஆக்கங்களில் அடித்தட்டு மனிதனின் உள்ளக்கிடக்கை பரவி-விரவிட வலு சேர்க்கும், இக்கவியை ஊக்குவிக்க விரைவில் அரசு விழாவில் பொற்கிழி வழங்கி தமிழகத்தின் பெருமை தனை பறை சாற்ற வேண்டும் என மிகுந்த கரவொலிக்கிடையே அறிவித்தார். ஊடகங்கள் அரசியல் வாதியின் அறிவுக்கூர்மையை 5 நாட்களுக்கு, அடுத்த அரசு விழா வரும் வரை கொண்டாடி மகிழ்ந்தன. என்னே வளர்ச்சி தமிழகத்தில்! யாம் பெற்ற இன்பம் பெறுக இவ்வையகம் .               

          Prof. K. Raman