DRIZZLE CONTINUES..
தொடரும் தூவானம் ..
மழை விட்டும் தொடரும் தூவானம் என்பதைப்போல நிகழ்ச்சிகள் நிறைவடைந்த பின்னும் அது குறித்த வாதப்பிரதி வாதங்கள் தொடர்ந்தன. பலரும் வெவ்வேறு கோணங்களிலும் கோணங்கிகளிலும் நிகழ்ச்சி களை , இதுபற்றி நடத்திக்கொண்டு , ஏதோ இவர்கள் சொல்வதை மக்கள் நம்புவதாக எண்ணிக்கொண்டு ஒரு 10 நாட்களுக்கு [அடுத்த கிழவிக்கு பாலியல் வன்கொடுமை நிகழும் வரை] இது பண விரயம் , நீட் தேர்வை ரத்து செய்வீர் என்று மிகுந்த பொருட்செலவில் புளியங்குடியில் ஊர்வலம் நடத்தினர்.
இது ஒரு புறம் இருக்க , சுபி குழுவினருக்கு பாராட்டு விழாக்கள் நடந்து கொண்டிருந்தன அவை பற்றி எந்த ஊடகமும் மூச்சு விட வில்லை. அப்படி ஒன்று இருப்பது தெரிந்துவிடக்கூடாது என்பதற்காக புதுக்கோட்டையில் விஷக்காய்ச்சல் , ஒரு வேளை ஏதேனும் தடுப்பூசிகளால் ஏற்பட்டதோ- மக்கள் பீதி என்று புரளி கிளப்பினார்.
ஏதேனும் ஒன்றை இருட்டடிப்பு செய்ய வேண்டுமானால் , வேறொன்றை முன்னிலைப்படுத்துதல் திசை திருப்பு தல் , சமதர்மம் என்று கட்சிகளை த்தி ரட்டி விழாக்கள் நிகழ்த்தி, ஆரணியில் புலவர் பூங்காவனம், ஆவடியில் தலைவர் சங்கநாதம் என்று தலையங்கம் தீட்டுவர் . மறுநாள், பேசியபடி பணமும் குவார்ட்டரும் தரவில்லை என கிராம மக்கள் திரண்டதை பற்றி மூச்சு விடமாட்டார்கள் .
இவை அன்றாடம் கண்டு நெஞ்சம் மரத்துவிட்ட மக்கள் செய்திகளை காமெடி நிகழ்ச்சி யாகப்பார்க்க பழகிக்கொண்டுவிட்டனர். இத்துணை மேடை நிர்வாகத்தையும் [Stage management ] தாண்டி நீ - குழாய் வழியே [வேறொன்றுமில்லை -you tube இன் தமிழ்ப்பெயர் ] பல அரசியல் அவலங்களும் , PILES DOCUMENT [மூல பத்திரம் ] எங்கே ? கோயிலுக்கு வந்த பக்தரின் கோவணத்தைக்காணோம் , CBI விசாரணைக்கு உத்தரவிடுக என்று கடவுள் மறுப்பாளர் இயக்கம் ஊர்வலம் என்று 10 நிமிடத்திற்கு ஒன்று என நீ குழாய் ரசிகர்கள் பல்கிப்பெருகி பலவேறு பொழுதுபோக்குகள் அரங்கேறி வருகின்றன. ஆ னால் அமைதியாக வேறொரு நிகழ்வுக்கு ஏற்பாடாகி வருகிறது. அதை காலம் தான் வெளிவிடும். இதற்கிடையில் கிராமீயக்கலைகளை பெரிதும் மதிக்கும் விதமாக 'பாராட்டு பத்திரம் ' முக்கிய அதிகாரிகளின் கையொப்பத்துடன் தயாரிக்கப்பட்டு, தேவையான பிராந்திய மொழிகளில் மொழி மாற்றம் செய்யப்பட்டு , எல்லாக்கலைஞர்களுக்கும் தத்தம் தாய் மொழியில் [பிற முக்கிய மொழிகள் வடிவிலும்] கிடைக்க ஏற்பாடு செய்யப்பட்டு கலைஞர்கள் , மிகப்பெரியதொரு கௌரவம் தங்களுக்கு தரப்பட்டுவிட்டதாக நெகிழ்ச்சியும் மகிழ்ச்சியும் கொண்டனர். திறமையை அங்கீகரிப்பதற்கும் ஒரு திறமை வேண்டும் என்பது நிதர்சனம் ஆன தருணம் அது.
சுபம்
நன்றி அன்பன் -ராமன்
Waiting for the next series
ReplyDeleteநீ குழாய் மூலம் பைல்ஸ் ‘பவுத்திரத்திற்கு களிம்பு ஒன்று கண்டு கொண்டேன்
ReplyDeleteவெங்கட்ராமன்