RENGAA RENGAA -13

 RENGAA RENGAA -13

ரெங்கா ரெங்கா – 13

ராமசாமி,  மக்களையும் அவர் குயுக்தி மற்றும் சகுனி வேலைகளையும் முகம் பார்த்தே நிர்ணயிக்கும் பேராற்றல் படைத்தவன். இது வரை அவன் தன் மனதிற்கு ஒவ்வாத யாரையும் நட்பு பாராட்டியதில்லை . ஏற்றுக்கொண்டுவிட்டால் இரவு பகல் வெயில் மழை , மொழி இனம் எதையும் பொருட்படுத்தாமல் இயன்ற அவளுக்கு உதவி செய்வான். அவ்வளவு ஏன் இந்த கஸ்தூரி ரெங்கனுக்கு , மாடசாமிக்கு, சுபத்ராவுக்கு, , வேதாந்தம் தம்பதியினருக்கு, கீமேன் செல்லத்துரைக்கு என்று நீண்ட நெடும் பட்டியலுக்கு சொந்தக்காரன் ராமசாமி. இதில் கேப்டன் குக் [சேஷாத்திரி], லாவண்யா, கோவிந்தசாமி , ரயில்வே உயர் அதிகாரி சுந்தரேசன் அனைவருமே பல தருணங்களில் பலன் அடைந்து இன்றளவும் ராமசாமிக்கு மனமுருகி நன்றிபாராட்டும் உயர் குணம் கொண்டவர்கள். எனவே ராமசாமி க ரெ வின் அண்ணா நகர் உறவினர்களை வெறுத்து ஒதுக்குவதற்கு ஆழமான காரணங்கள் இருக்கும். இந்த மேற்கண்ட பட்டியலில்   யார் என்ன பலன் அடைந்தனர் என்று விரிவாக நினைவு கூர்ந்தால் அதுவே ஒரு கதை போல இருக்கும் . அதனால் கஸ்தூரி ரெங்கன் ராமசாமிக்கு முற்றிலும் கட்டுப்பட்டவன்.  ராமசாமியை ஏன் அழைத்துவந்தேன் என்று மாடசாமி சற்று முன் சொன்னதை கவனித்தால் ராமசாமியும் மாடசாமியும் மிகத்துல்யமாக எதையும் புரிந்து கொண்டு விடுவார்கள் என்பது விளங்கும்.

11.00 மணி செய்முறை தேர்வில் 4 குழப்பங்களை தீர்க்க உனது கருத்தை செயல் முறை விளக்கமாக தருக என்று க ரெ வுக்கு பணித்தனர். விடைகளை வெறும் ஸ்டெப்ஸ் வடிவில் தரவேண்டும் . கஸ்தூரி ரெங்கன் 3 வினாக்களை சிறப்பாக விளக்கினான் ஒன்றில் மட்டும் அவனது விடையில் சில குழப்பங்கள் இருந்தன. அனைத்து அதிகாரிகளும் க  ரெங்கா -வைப்பாராட்டினர் . சேர்மன் அவனை அழைத்து அவனது குடும்பச்சூழல் பற்றி தெரிந்து கொண்டார்.. GOOD LUCK என்று வாழ்த்தி அனுப்பினார். அனைத்து அதிகாரிகளுக்கும் வணக்கம் தெரிவித்து விடை பெற்றான் க ரெ. 12.15 மணிக்கு ரூமுக்கு வந்து அனைத்தையும் தெரிவித்தான் . ரிசல்ட் எப்ப சார் தெரியும் என்றான் -மாடசாமிஇடம் . ராமசாமியைக்கேட்டால் கிளி ஜோசியம் பார் என்று சொல்லி கிண்டல் பண்ணுவார் என்று பயம். இதற்கிடையில் மா சா இன்டர்வ்யூ ரூமில் போய் ரிசல்ட் 10-14 நாளில் ரிஜிஸ்தர் தபாலில் வீட்டுக்கு வரும் என்று தெரிந்து வந்து ரூமில் தெரிவித்தார்.

உடனே ராமசாமி டேய் கஸ்தூரிரெங்கா, நீ அலமாரியபூட்டிடு , வெந்நீர் அடுப்புல எதுவும் செய்ய வேணாம் னு அம்மாக்கு சொல்லிடு. லெட்டரை எடுத்து வெந்நீர் அடுப்பில போட்டுறப்போரா -கவனம் என்றார். 

மாடசாமி ஐடியா சொன்னார் “எனக்கு ஒரு ரயில்வே லெட்டர் வரும் அதை யார் கையிலும் தராதீங்க னு உங்க போஸ்ட்மேன் கைல ஒரு 10/- ரூவாயைதள்ளி வைங்க , நீ பாத்ரூம்ல இருந்த கூட தேடி உன் கைலயே குடுத்துடுவாங்க . பிழைக்கற வழிய தெரிஞ்சுக்குங்கப்பா அலமாரியப்பூட்டறேன் அடுப்பை ஓடைக்கறேன்னுக்கிட்டு இருக்கீங்க . லெட்டர் வந்தப்புறம் இன்னொரு 5/- ரூவாயை தந்துட்டா உனக்கு தெரியாம எந்த லெட் டரும் எப்பவுமே போகாது.

சரி எல்லாம் முடிஞ்சாச்சுல்ல இனிமே எல்லாரும் பிரீ தானே Mylapore Woodlands  . போலாமா என்றார் மாசா . கஸ்தூரி நடுங்கினான் "உட்லண்ட்ஸா" என்று அவனுக்கு பயம் அது நான்வெஜிடேரியன் ஹோட்டலோ என்று. . முதன் முறையாக மாடசாமிக்கு கோபம் வந்தது எவனாவது NV ஹோட்டல மைலாப்பூர் ல வெப்பானா ; நாங்க NV சாப்பிடறதில்லை னு உனக்கு தெரியாதா ; அதுவும் ராமசாமியை அப்பிடி எல்லாம் கூட்டிக்கிட்டு போனா அதைவிட பெரிய பாவமே கிடையாது வா போவோம்.

ஆஸ்த்தான ஆட்டோவில் மைலாப்பூர் உட்லண்ட்ஸ் அடைந்தனர் மணி. 1.05. சார் 7 மினிட்ஸ் வெயிட்டிங் டைம் என்றார் ரமேஷ் பட் . மெல்லிய ஒளியில் அமைதியான சூழலில் உடுப்பி வகை சமையல் ,காலிஃளவர் மிளகு பொரியல்  காரம் மசாலா,எல்லாம் அளவாக பூண்டு அறவே இல்லை. நளினமான சாம்பார், அன்னாசி ரச ம்  அற்புதமான பாயசம் ஜாதிக்காய் ஊறுகாய் -சோறே சொர்க்கம் என்பது சாலப்பொருந்தும் . சிறப்பான விருந்தோம்பல் இப்போதும் ராமசாமி பணம் செலுத்தினார். மீண்டும் 2.20 க்கு ரூம் திரும்பினார் ஆட்டோவில்.    எழும்பூ ரி ல் அமைதி. [வைகை போய் விட்டிருந்தது 4-15 வரை சந்தடி இருக்காது ] தூங்கலாம் என்றார் மாடசாமி . நல்ல உறக்கம் 4.00 மணிக்கு மா சா மெல்ல எங்கோ போனார் . இன்டர்வ்யூ முடிந்து அதிகாரிகள் கிளம்பிப்போய் விட்டனர். மாலை தேனீர் விருந்திற்கு வைத்திருந்த வறுத்த முந்திரியை மிச்சம் 15 இல் 6  பாக்கெட் எடுத்து கொண்டு ரூம் திரும்பினார் மா  சா . இந்தாங்க என்று தலைக்கு 2 பாக்கட் தின்றுவிட்டு வசந்த பவனில் புது டிகாக்ஷன் காபி -இது மாசா வின் செலவில்   

7.00 வரை மெரினா பீச்சில் சுகமான காற்று . 7.30 க்கு ரூம் திரும்பினர் வயிறு full லா இருக்கு ஒன்னும் சாப்பிட வேண்டாம் என்றனர். சரி 10. மணிக்கு பழம் பால் சாப்பிடுவோம் . 9.30 மணிக்கு மாடசாமி டூட்டி சார்ட் பெற்றுக்கொண்டார். 10.20 க்கு பால் பழம் சாப்பிட்டு வண்டி ஏறினர் பக்கத்து கோச்சில் 2 பெர்த் பிடித்து இவர்களை உறங்க ஏற்பாடு செய்தார் மாடசாமி.  இரவு பயணம் இனிதே முடிந்து ஸ்ரீரங்கத்தில் இறங்கி ராசா /க ரெ விடை பெற்று அனைவரும் வீடு திரும்பினர்.

அன்பன்  ராமன்