TEACHERS’ ROLE-5

 TEACHERS’  ROLE-5

ஆசிரியப்பணி-5

ஒரு ஆசிரியர் தனது ஆளுமையை சிறப்பாகப்பதிவு செய்ய நிறைய வாய்ப்புகள் உண்டு. அவ்வாய்ப்புகளை தேடிக்காத்திராமல் , அன்றாடம் ஈடேற்ற , மிகச்சிறந்த சூழல் வகுப்பறைகளே என்பதை அனுபவ அடிப்படையில் சொல்ல முடியும்.. பெரும்பாலும் ஆளுமையின் வீரியத்தை நிர்ணயிப்பது 1] punctuality எனும் நேரம் தவறாமை 2] தோற்றத்தில் ஒரு எளிய ஆனால் கம்பீர உடை [சுத்தம், கசங்கல் கள் இல்லாமை , அனைத்து button களும் பிணைக்கப்பட்டமை,3] செயலில் சுறுசுறுப்பு 4] நினைவாற்றல் [உரிய நேரத்தில் சரியான தகவலை நினைவூட்டுதல்] இவை அடிப்படை ஆயுதங்கள் ; இதர அடையாளங்கள் 5 மாணவர்களிடையே வேற்றுமை பாராட்டாது செயல் படுதல் மற்றும் 6 தகுதி அடிப்படையில் மட்டுமே விடைத்தாள்களை மதிப்பீடு செய்தல். . இவைகளை  கடைப்பிடிப்பதில் 7 ஏற்ற இறக்கம் இல்லாது செயல் பட்டால் அவர் "குன்றாத ஆளுமை உடையவர்" என்று அனைவரும் அங்கீகரிப்பர் .8 ஆளுமை நிர்வாகத்தில் சமரசங்கள் தவிர்க்கப்பட வேண்டும்.

நேரந்தவறாமை என்பது ஒரு மறைமுக கட்டுப்பாடு. அது என்ன ? உரிய நேரத்தில் வகுப்பறைக்கு வந்து விட்ட ஆசிரியன் ஊர்க்கதைகளை பேசிக்கொண்டிருந்தால் , அவரது நேரந்தவறாமை ஒரு கேலிப்பொருள் ஆகும் , மாணவர்கள் நேரந்தவறாமையின் முறையான பலன் கிட்டாமல் , கவனச்சிதறல் மற்றும் பிற ஒழுங்கீனங்களை பின்பற்ற வழி வகுக்கும். மாறாக பாடத்தில் கவனம் செலுத்தினால் , மெல்ல மெல்ல அனைவரும் ஆசிரியரின் போதனைகளை செவிமடுப்பர். மேலும் மனம் ஒன்றிக்கற்கும் போது இயல்பான ஐயப்பாடுகள் எழும்; அப்போது உரிய விளக்கம் தந்து , மேலும் தொடர ஆசிரியர்  புறக்கணிக்க வொண்ணாத செயல் வீரன் ஆகிறார்.

இதன் விரிவாக்கம் தான் கற்பித்தல் என்னும் ஆசிரியப்பணி. கற்பித்தலில் உள்ள குறைகள் பெரும்பாலும் தனி மனித பலவீனங்கள்  என்றே வகைப்படுத்தலாம்.

1. SYLLABUS -என்ற பாடப்பகுதியை முடிப்பதில் நாட்டம் ;ஆனால் அதை முறையாகச்செய்யாமல் , விரைந்து முடித்த பின் என்ன பலன்? இதற்கு கடமை ஆற்றுவதை விடுத்து , கடனுக்கு செய்தல் என்று பெயர் இது வெறுப்பையும் , விரக்தியையும் ஏற்படுத்தி , குறிப்பிட்ட பாடப்பகுதி [SUBJECT ]மீது அடங்காத கோபத்தை வளர்க்கும்

2 ஒரே SUBJECT ஆயினும் சில CHAPTER களை விரிவாகவும் , பலவற்றை நாட்டமின்றியும் விரைந்து கடப்பதும் ஆசிரியரின் திறமையின் மீது விமரிசனம் தோன்ற வழி வகுக்கும். "இவருக்கு அந்த SUBJECT சரியாக தெரியாது அதனால் ஒப்பேற்ற முயற்சிக்கிறார் " இது மாணவரிடையே ஆழமாகபரவி , குறிப்பிட்ட SUBJECT க்கு 'அந்த' ஆசிரியர் வருகிறார் என்றால் ,அந்த வகுப்புகளை புறக்கணிக்க தயங்கமாட்டார்கள் .

3 சந்தேகங்கள் குறித்த வினாக்களுக்கு இயன்றவரை முழுமையான விடைதர முயற்சித்தல் நலம் . கேள்விகேட்பதை தன மீது தாக்குதல் என்றெண்ணும் எவரும் ஆசிரியப்பணிக்கு உற்றவர் அல்லர்.விடை தெரியவில்லை எனில் பின்னர் விளக்குவதாக சொல்லி, அதே போல் விளக்கிட ஆசிரியர் உயர்ந்த இடத்தில் வைத்து போற்றப்படுவார் என்பதை கருத்தில் கொள்க .

4 நிதானமாக விளக்கங்கள் கிடைக்கும் போது மாணவரின் கற்றல் ஈடுபாடு வலுப்பெறும்.

5 குரலை உயர்த்தி , தெளிவாக உச்சரித்து பேசினால் கண் அயர்தல் நிலை விரட்டி அடிக்கப்படும்.

6 மதிய வகுப்புகளில் தோன்றும் ' LULLA BY ' உணர்வுக்கு பல ஆசிரியர்களின் வறட்டு முறைகளே பெரும் காரணம்.

7 அன்றாடம் , வகுப்பின் இறுதி 3 நிமிடங்களில் அன்றைய பாடப்பகுதியை சுருக்கமாக தொகுத்து சொல்லுங்கள்

                                                                                  அல்லது

8 அடுத்த வகுப்பில், சென்ற வகுப்பின் தகவலை நினைவு கூர்ந்து மேலே தொடருங்கள் ; சென்றவகுப்பிற்கு வாராதவரும் கூட மனதால் பாடத்தை ஏற்க முயல்வர்.

9 ஒவ்வொருநாளும் இறுதியில் "ஏதேனும் ஐயப்பாடு உள்ளதா என்று கேட்டு அறிந்து கொள்ளுங்கள் ; தேவைப்பட்டால் அன்றோ அடுத்த  வகுப்பிலோ விளக்குங்கள்

10 அனைத்து புதிய சொற்களையும்  தெளிவாக கரும் பலகையில் எழுதி , மாணவர்களை குறித்துக்கொள்ள அறிவுறுத்துங்கள்.. இவை அனைத்தும் ஆசிரியரை முழுமை அடைய உதவும்.

பிற முன்னேற்பாடுகள் குறித்து பின்னர் விவாதிப்போம் .அவை வகுப்பிற்கு வருமுன்  பின்பற்றப்பட வேண்டியன

தொடரும்

அன்பன்  ராமன்