POETIC SPLENDOUR

 POETIC SPLENDOUR                      

கவி [தை] யின் நளினம்         

நமது வாசக அன்பர் திரு ரகுநாதன் அவர்களின் வேண்டுகோளுக்கிணங்க இப்பாடல் குறித்து எழுத முனைந்துள்ளேன்

            “ அத்திக்காய் காய் காய் ஆலங்காய்  வெண்ணிலவே “

அறிந்தே செய்யும் தவறுகளில் இதுவும் ஒன்று. ஆம், எழுதும் திறனும் இசைஞானமு ம்  இல்லை எனினும் ஆசை யாரை விட்டது என்னும் வகை செயல் தான் இது.

இது போல் ஒரு சொல் வீச்சும் ஓசைநயமும் இசையின் இசைவும் எளிதில் சேராது.          மனித முயற்சியின் அதீத உச்சத்தின் சான்று இப்பாடல்.

தயவு செய்து ஏனோ தானோ வகை வாசகர்கள் ஒன்றைப்புரிந்து கொள்ளுங்கள் நீங்கள் அறிந்த முறைகளில் பாடலை அணுகுதல் சரியல்ல. ஆழ்ந்து அமிழ்ந்து சொற்கட்டுகளை பிரித்து / சேர்த்து  பார்ப்பதும் வேண்டும் '; அதோடு இசையின்பரிமாணங்களை வெகு நுணுக்கமாக கவனிக்கவேண்டும். அதற்கு நேரமும் மனமுமில்லை எனில் பாடலை கேட்காமல் செல்வதே பாடலுக்கு தரும் மரியாதை.

கோமாளிகளைப்போல அந்த நடிகர் நடிக்கிறார் இந்த நடிகை ஆடுகிறாள் என்று குதூகலிப்போர்  சினிமா பாருங்கள். இந்த ஒழுக்கம் பாடல் கேட்க முற்றிலும் அவசியம் ; இன்றேல் பாடல் கேட்கநினைப்பது அனாவசியம் சற்று நீண்ட பதிவு பொறுமை தேவை இதனை உள்வாங்கிப்படிக்க                            

 எனவே இரு பகுதிகளாக வெளிவருகிறது

இதோ விளக்கம்

பகுதி -1

பெண்   அத்திக்காய் காய் காய் ஆலங்காய்  வெண்ணிலவே

இத்திக்காய் காயாதே என்னைப்போல் பெண்ணல்லவோ

 நீ என்னைப்போல் பெண்ணல்லவோ

ஆண்  அத்திக்காய் காய் காய் ஆலங்காய்  வெண்ணிலவே

இத்திக்காய் காயாதே என்னுயிரும் நீ அல்லவோ

என்னுயிரும் நீ அல்லவோ

பல்லவியின் வரிகள் ஏதோ காய்களின் பெயருடன் துவங்குவது போல் தோன்ற, ஆழ்ந்து கவனித்தால் இது ஒருசிலேடை வகைப்பாடல். சிலேடையின் சிறப்பே ஒருசொல்லுக்கு குறைந்தது 2 பொருள்படும் தன்மையே

அத்தி மற்றும் ஆல  மரத்தின் காய்கள் போல் தோன்றினாலும் உண்மையில் பொருள் வேறு     சொல்லை பிரித்து பார்த்தால்  பொருள் மாறும்

  அத்   'திக்' காய் =அந்த திக்கில் /அந்த திசையில்        காய்  = காய்ச்சு , வேகவை

ஆலம் = விஷம் /எப்போதும்  காய்= காய்ச்சு , இத் 'திக்காய் =இத் திசையில் /இத்திக்கில்   காயாதே = காய்ச்சாதே /காயாதே  என்று நிலவிடம் பெண்ணும் ஆணும் கோருவதாக புனையப்பட்ட பாடல்

பெண்   கன்னிக் காய்  ஆசைகொண்ட பாவைக்காய்

அங்கே காய் அவரை காய்

மங்கை எந்தன் கோவைக்காய்    

காதல் வயப்பட்ட கன்னி [கன்னிக்காய் ]பெண்[ பாவை] க் [காய்] பெண்ணுக்காக /பாவைக்காக

அங்கே [அவன் இருக்கும் இடத்தில் ]காய்ச்சு , அவரை [அந்த ஆண் மீது] காய்ச்சு

மங்கை எந்தன்[ கோவை ] தலைவனை சுட்டு காய்ச்சு  என்று பெண் நிலவிடம் கேட்பதாக  பாவைக்காய் , அவரைக்காய் , கோவைக்காய் என்று கொடியில் விளையும் காய்களைக்கொணடே இந்தச்சரணம் அமைக்கப்பட்டுள்ளது.

ஆண்

மாதுளங்காய் ஆனாலும்

என்னுளம் காய் ஆகுமோ

என்னை நீ காயாதே

என்னுயிரும் நீ அல்லவோ

மாதுளம் [மாது=பெண் இவளின் உள்ளம்] காயானா லும் என் உள்ளம் காய் ஆகுமோ என்னுளம் காய் ஆகுமோ     என்னை நீ காயாதே

பெண்  இத்திக்காய் காயாதே என்னுயிரும் நீ அல்லவோ

என்னுயிரும் நீ அல்லவோ

ஆண்    இரவுக்காய் உறவுக்காய் எங்கும் இந்த ஏழைக்காய்

நீயும் காய் நிதமும் காய் நேரில் மிற்கும் இவளைக்காய்

இரவுக்காய் [இரவுக்காக] உறவுக்காய் [உறவுக்காக ]ஏங்கும் [தவம் கிடக்கும் ] இந்த ஏழைக்காய் [வறட்சியில் இருப்பவன் எனக்காக] , தினம் தினம் காய்ச்சு இதோ எதிரில் இருக்கும் இவளைக்காய்[ச்சு] [வறுத்து எடு ]

பெண்   உருவங்காய் ஆனாலும் பருவங்காய் ஆகுமோ

என்னை நீ காயாதே என்னுயிரு ம் நீ அல்லவோ

நான் கனிந்த பருவத்தினள் , என்னை காய் என்கிறா ரே என்று சீண்டல்

https://www.youtube.com/watch?v=PIhxavNyRwQ

நாளை  தொடரும்