RENGAA RENGAA -20

 RENGAA RENGAA -20

ரெங்கா ரெங்கா -20

குண்டூர் ஸ்டேஷ ன் arrived , come , come என்று க ரெ வை கூட்டிக்கொண்டு இறங்கினார்ராகவலு. விரைவாக அப்பர் கிளாஸ் வெயிட்டிங் ரூம் மேற்பார்வை யாளர் சுப்பிரமணியன் என்பவரை கூட்டி வந்து , க ரெ பகலில் ஆபீஸ் போய்விட்டு இரவில் வந்து தங்கிக்கொள்ளட்டும், நீ உள்ளே பெட் போட்டு நல்லா பாத்க்கோ அவரூ மெட்ராஸ் வாடு , கவுனம் என்று தங்க ஏற்பாடு செய்து விட்டு, க ரெ விடம் தம்பீ டெய்லி 20/- ருப்பீஸ் குடுங்கோ சுப்ரமணிக்கி அது போதூ என்று சொல்லி விடை பெற்றார் , வண்டி ஏறி தன்  வேலையை பார்க்க போனார். .                    மாடசாமி தென் இந்தியாவுல பெரிய ஆள் தான் போலிருக்கு என்று க ரெ வியந்தான்..

சுப்பிரமணி “சார் இந்தாங்க பால்” என்று சூப்பர் பால் ஒரு பேப்பர் சுப்பில் தந்தான். 5 நிமிஷத்துல ரூம் ரெடி பண்றே ன் , கொஞ்சம் வெய்ட் பண்ணுங்க என்று சுத்த தமிழில் சொன்னார் சுப்பிரமணி. நீங்க மெட்றாசா என்றான் க ரெ . இல்ல சார் சேலம் , மேல ஆஃபீசர் பஞ்சாபகேசன் சார் காலை 9.30 க்கு வருவார்.அவர்தான்  எனக்கு இங்க வேலை  வாங்கி தந்தார் 12 வருஷமா இங்க வேலை செய்யறேன். அவரு எத்தினி பேருக்கு ஹெல்ப் பண்ணிருக்காரோ கணக்கே இல்ல , ரொம்ப high quality officer ; இந்த ரயில்வே டிவிஷன் ல அவருக்கு எவ்வளோ மரியாதை இருக்கு.என்று சொல்லிக்கொண்டே மள மள வென்று ac அறையில் க. ரெ வை தங்க வைத்தான் சுப்பிரமணி.7 மணி வரைக்கும் தூங்குங்க , நான் வந்து கீசர் போட்டு தரேன் அப்புறம் குளிங்க அதுக்குள்ள டவுன் ல ஒரு தமிழ் மாமி மெஸ் இருக்கு அங்கிருந்து டிபன் வாங்கி தரேன் அதை சாப்பிடுங்க வேற ஓட்டல் ஐடெம்லாம் ரொம்ப காரம் அதுனால நான் பாத்து வாங்கி தரேன் , தூங்குங்க சார் , நன் வெளிய ஹால் ல தூங்குவேன் ரூம் பூட்டிட்டு படுத்துருவேன் குட் நைட் என்று படுக்கப்போனான்.

 காலை 6.20 க்கு கண் விழித்தான் க ரெ ஜன்னல் வழியே மேலே பார்த்தான் கோபுரத்தைக்காண வில்லை .ஐயோ என்று ஒரு வினாடி  பதறி பின் இப்போது குண்டூரில் இருக்கிறோம் என்று நினைவுபடுத்திக்கொண்டான். வெந்நீர் இல்லாமலே குளித்தான் , ஸ்ரீசூர்ணம் தரித்தான். காபி நினைவுக்கு வந்தது . இங்கே மாடசாமி சார் இருந்தால் எங்கே நல்ல காபி கிடைக்கும் னு கூட்டிக்கொண்டு போவார் என்று நினைவுகூர்ந்தான். 7 மணிக்கு சார் என்று சுப்பிரமணி கதவைத்தட்டினான் . உடனே வாங்கோ என்று கதவை க ரெ திறந்தான் . சார் காபி வாங்கட்டுமா என்ற சுப்ரமணியிடம், ராத்திரி பாலுக்கே நான் இன்னும் பணம் தரலியே என்றான் க ரெ .அதுக்கு ராகவலு சார் பணம் தந்துட்டார் சார் நீங்க ஒண்ணும் தர வேண்டாம் . என்றான் சுப்பிரமணி. சரி காபி எவ்வளவு, 15/-ரூவாய்க்கு சுமாரா இருக்கும் 20/-க்கு நல்லா இருக்கும் , 20/- ஏ சாப்புடுங்க எதுக்கு 15/-குடுத்து மோசத்தை வாங்கணும் ? என்றான் சுப்பிரமணி.

எங்கிட்ட ரொம்ப பணம் இல்ல என்றான் க ரெ . ஐயோ என்று க ரெ வின் நிலை பற்றி வருந்தினான் சுப்பிரமணி. சார் நீங்க ட்ரைனிங் தானே வந்திருக்கீங்க -3 மாசத்துக்கு? ஆமாம் என்றான் க. ரெ . [இப்போது சுப்பிரமணி 12 வருடங்களுக்கு முன் நானும் இப்படித்தானே 5/- காபி க்கு காசு செலவழிக்க திணறினேன் , பாவம் சார் என்று பச்சாதாபப்பட்டான்]. சார் மாசம் ஆனதும் 20, 000/- குறையாம வரும் , அதுனால நான் மாமிகிட்ட பேசி உங்களுக்கு கணக்கு ஆரம்பிச்ச்சுடுவோம் சம்பளம் வாங்கிட்டு குடுங்க அதுவும் நீங்க அக்க வுண்ட்ஸ் டிபாட்மென்ட் தானே ? பஞ்சாபகேசன் சார் கரெக்ட்டா எல்லாம் ரெடி பண்ணிடுவார். இப்ப நான் போய் காபி டிபன் கொண்டுவரேன் . 9.00 மணிக்கு எக்ஸ்பிரஸ் வரும் அப்ப வெயிட்டிங் ரூம் திறக்கணும். இப்ப கதவை மூடி வெச்சிட்டு கிளம்பறேன். ட்ரெயின் போனதும் அடுத்த பில்டிங்  ல தான் ட்ரைனிங் சென்டர் சார் 9.20 க்கு வந்திடுவார் நானே கூட்டிக்கிட்டு போறேன் அதுக்குள்ள சாப்பிட்டு முடிச்சுடுங்க அடுத்த ட்ரெயின்  3 மணிக்கு தான் அது வரை சார் செக்ஷன் வேலை இருந்தா பாத்துப்பேன் என்று கிளம்பினான். 8.20 க்கு இட்டிலி தோசை , சாம்பார் சட்னியுடன் கொண்டு வந்தான், ஒரு பிளேட்டை டைனிங் ரூமில் இருந்து கொண்டுவந்து இதுல சாப்புடுங்க என்று ஒரு தண்ணீர் பாட்டிலையு ம்  வைத்தான். திருப்தியாக உணர்ந்தான் க. ரெ . சார் இந்த பேப்பரை பத்திரமா வெச்சுக்குங்க இப்ப 23/- ரூவா ஆச்சு , டெய்லி எழுதி மாசக்கடைசில டோடல் பாத்திட்டு மாமிக்கு பணம் குடுத்துடுவோம்; மாமி அவங்களும் நோட்டுல எழுதிடுவாங்க உங்க பேர் தெரியல மெட்றாஸ் சார் னு நோட்டுல எழுதியிருக்கேன் என்றான் சுப்பிரமணி . கரெ தன்  பெயர் சொன்னான்.  9.20 க்கு லெட்டருடன் அக்கவுண்ட்ஸ் ஆபிசில் க ரெ , அதிகாரி பஞ்சாபகேசன் சார் முன் வணக்கம் செலுத்தி கடிதம் தந்தான். மணியைப்பார்த்தார் ப. கே [9.22] good என்று க ரெ வை பாராட்டினார்.

மாடசாமி உன்னைப்பத்தி சொல்லிருக்கார் ; நீ தைரியமா இரு நல்லா வேலை கத்துக்கோ, கீழே சுப்பிரமணி னு ஒரு அட்டெண்டர் இருக்கான் உனக்கு உதவி செய்வான் . 9.30 க்கு முதல் ரூம் ல கிளாஸ் , இந்தா இந்த attendance ல கை எழுத்து போட்டுட்டு போய் அந்த ரூம் ல வெய்ட் பண்ணு , நான் வருவேன் என்று அனுப்பி வைத்தார்.

தொடரும்     அன்பன் ராமன்