RENGAA RENGAA-59

 RENGAA RENGAA-59

ரெங்கா ரெங்கா -59

ஆயிற்று 88 நாள்கள் பறந்தோடி , இன்னும் 2 நாள் தான் குண்டூரில் --அப்புறம் ? யாருக்கு தெரியும் . சரி எந்த ஊர் நல்லதுன்னு மாடசாமி சார் கிட்ட கேக்க வேண்டியது தான் என்று மாசா வை போனில் அழைத்தான் .மணி மாலை 4.20. தம்பி நான் சார்ட் செக் பண்ணிக்கிட்டு இருக்கேன் 5.00 மணிக்கு பேசலாமா ? என்றார் மாசா. சரி சார் என்று சொல்லிவிட்டு நிமிர்ந்தால் பக்கத்தில் சுப்பிரமணி. என்ன சார் யோசனை? எதுவும் யோசிக்காதாங்க .        ப கே சார்கிட்ட சொல்லி வையுங்க நல்ல ஊர்ல வாங்கிக்குடுங்க னு. அவர் பார்த்து செய்வார். ஊர் நல்லா  இருந்தாலும் அதிகாரி மோசமா இருந்தார்னா ரொம்ப கஷ்டம் சார்.பாதிப்பேருக்கு வேலை தெரியாது , இல்லைனா ஒரே ஊழல் இப்பிடித்தான் இருக்காங்க. நீங்க அக்கவுண்ட்ஸ் ல இருக்கறவுங்க ரொம்ப கவனம் சார் அதுனால தான்          சொல்றே ன் . நீங்க சார்கிட்ட சொல்லிட்டு பேசாம இருங்க நல்லதே  நடக்கும்.

இருந்தாலும் நம்மளும் யோசிக்கணும் இல்லையா என்றான் க ரெ . யோசிச்சு என்ன பண்ணுவீங்க , சார் இதெல்லாம் மனிதர்கள் சம்பத்தப்பட்ட விஷயம், சொந்த ஊரே கிடைச்சாலும் அதிகாரி கிறுக்கனா இருந்தா  அவரை நீங்க என்ன செய்ய முடியும்? சொன்னதை செய் னு மிரட்டுவாங்க , இல்லேனா வேலை சரியா செய்யல னு கம்ப்ளெயிண்ட் எழுதி தொந்தரவு பண்ணுவானுங்க சார். சரி உங்களுக்கு வெளியூர் போகணும் னு ஆசையா இருக்கு, சுப்பிரமணி பஞ்சாப கேசன் எல்லாம் போரடிச்சுப்போச்சு --எனக்கு நல்லா புரியுது -சரி போயிட்டு வாங்க .உங்களைத்தடுக்க நான் யாரு ? நீங்க நல்லா இருந்த அது போதும் சார் எனக்கு .சரி சார் நான் போயிட்டு 6.30க்கு வரேன் அப்புறமா மெஸ்ஸுக்கு போவோம் என்றான் சுப்பிரமணி மணி 5.03

இப்போது கூப்பிட்டதும் மாடசாமி லைனில் வந்தார். சொல்லுங்க தம்பி என்றார் . சார் இந்த வாரம் ட்ரெயினிங் முடிஞ்சுடும் அப்புறம் எங்க போடுவாங்கனு தெரியல்ல அதான் உங்கள கேட்டா தெரியுமே னு கூப்பிட்டன் என்றான் க. ரெ . நான் இங்க இருந்துகிட்டு ஐடியா சொல்ல முடியாது. மேலும் எங்க VACANCY  இருக்கு னு தெரியாது. பேசாம ப. கே சார் கிட்டயே ஒட்டிக்குங்க .அவரை விட நல்ல அதிகாரிகள் இல்லைனே சொல்லலாம்.. சரி சார் அவர் என்னை எடுத்துப்பாரா ? தெரியலியே என்றான் க ரெ .

சரி எடுத்துக்கமாட்டேன் னு     சொல்லிட்டா ரா?   இல்லையில்ல . அப்புறம் என்ன ?

என்னைக்கேட்டா நீங்க அவர்கிட்ட இருக்கிறதுதான் உங்களுக்கு நல்லது. அவ்வளவு ஏன் ? கேப்ரியல் சார் -உங்களை திருசிப்பக்கம் வர வேணாம் னு சொல்றார் , இங்க வந்தா சோம்பேறி ஆயிடுவீங்களாம் -ரொம்ப கவலையா இருக்கார். ப கே சார் கிட்ட கிடைச்சா கும்பிடு போட்டு அங்கேயே ஜாயின் பண்ணிருங்க . ராமசாமி சாரும் அதைத்தான் சொல்லுவார். என்றார் மாடசாமி.

ஊர்ல அம்மா இருக்காளே ? என்றான் க ரெ . இன்னும் 1 or 2 மாசத்துல அம்மாவையும் உங்க கூட வெச்சுக்கர மாதிரி வீடு புடியுங்க , சாப்பாட்டு பிரச்னையும் . தீர்ந்துரும் . திரும்ப சொல்றேன் பஞ்சாபகேசன் சார் அதிகாரி மட்டும் இல்ல தகப்பனார் மாதிரி -மிகப்பெரிய ஆபீசர் தம்பி -அவரை மிஸ் பண்ணிடாம அங்கேயே கன்டினியூ பண்ணுங்க ; கண்டிப்பா உங்கள எடுத்துப்பார் தம்பி -கவலையே படாதீங்க -வாழ்த்துக்கள் என்றார் மாடசாமி.

என்ன சார் சொல்றாரு என்றான் சுப்பிரமணி. நீங்க சொன்ன மாதிரிதான் சொல்றாரு. பேசாம குண்டூரிலியே ப கே சார் கிட்டயே இருங்க அதுதான்       நல்லதுனு சொல்றார். பாத்தீங்களா-- விவரம் தெரிஞ்ச யாரும் அப்பிடித்தான் சொல்லுவாங்க. கண்ட ஊர்லயும் போய் இருக்க முடியாது சார். நிம்மதி இழந்தாச்சுன்னா வேலை செய்ய முடியாது சார் என்றான் சுப்பிரமணி.                 இவர்  என்ன  திரிகால ஞானி மாதிரி பேசறார் எ வ்வளவு தெளிவா சொல்றார். என்று சுப்ரமணியின் யோசிக்கும் திறன் பற்றி வியந்தான் க ரெ

இறுதி பரிட்சைகளுக்காக முழு கவனத்துடன் தயார் செய்து கொண்டான் க ரெ. இது வரை சிறப்பாக செய்து வந்துள்ளபடியால் அதே போல் செய்ய வேண்டுமல்லவா ? அந்த பயம்/ கவனம் அவனுக்கு. குண்டூர் ஆஞ்சநேயர் அவனுக்கு உதவுவார். அவனுக்கு புரிந்து விட்டது, பலரும் அவன் குண்டூரில் தொடர்வதை தான் விரும்புகிறார்கள் .அதனால் பெருமாள் மீது பாரத்தை போட்டுவிட்டு நமது உழைப்பை கவனிப்போம் என்று முடிவு செய்தான் .

தொடரும் அன்பன் ராமன்