SONG FOR SONGSTER ‘PATTU’ -2

SONG FOR SONGSTER ‘PATTU’ -2      

பாட்டு "பட்டு ஐயங்காரு"க்கு பாட்டு -2

வஞ்சுளம் 10 நிமிடங்களில் வந்தாள் , வந்தவள் கண்ணில் பத்திரகாளி  தெரிகிறாள் .

பட்டுவுக்கு அஷ்டமத்தில் "ஈரெழுத்து" , ஸ்டைலாக குடுமியை ஆட்டிக்கொண்டு --"காபி" என்று இழுத்தார்.

காபி , பீப்பி எல்லாம் தர்ப்பணம் முடிஞ்சு 1/2 மணி கழிச்சுத்தான் - சுக்லாம் பரதரம் னு காஞ்சி பெரியவர் சாதிச்சிருக்கார் -கல்கி ல  போட்டிருக்கு’ வஞ்சுளம் .

அதெல்லாம் ஸ்மார்த்தாளுக்குன்னா என்று நழுவினார் பட்டு. .

அப்பிடியெல்லாம் கிடையாது, வைஷ்ணவாளும்  தான் இதை விடாம அனுஷ்டிக்கணும் அப்பிடின்னு தான் சாதிச்சுருக்கார்.- வஞ்சுளம் .

 நமக்கு ஆண்டவனோ /ஜீயரோ சாதிச்சாதான் சிலாக்யம் என்றார் பட்டு

ஓஹோ ? இல்லேன்னா? லேகியமா ? என்று கொந்தளித்தாள் வஞ்சுளம்.

நிலமை கை மீறப்போவதைக்கண்ட பட்டு "வஞ்சுளமே  வஞ்சுளமே " என்று ஆரம்பித்தார் .

போறும் இந்தப்பித்துக்குளி கொஞ்சல் . நானே எனக்கு போய் இந்தப்  பேர்  வாச்சுதேன்னு வேதனைல துடிக்கறேன் நீங்க என்னடான்னா "வஞ்சுளமே வஞ்சுளமே "னு நாராசமா முனகறேள் .கொஞ்சங்கூட சரியில்லை , அமாவாசை/ பௌர்ணமி வந்தா கதி கலங்கறது, மாடு மேய்க்கறவங்களாட்டம் குச்சியை வெச்சு தட்ட உங்களுக்கே அசிங்கமா இல்லையா? போன வாரம் இப்பிடி பாடிண்டு போய் என்ன ஆச்சு ? மூஞ்சியைத்தொங்கப்போட்டுண்டு,வேகாதவெய்யில்ல திரும்பி வந்து தீர்த்த மாடினது தான் கண்ட பலன். நான் அப்பவே சொன்னேன் -யாருக்கோ அஷ்டமத்து சமாச்சாரம் சரியில்லைன்னு , காதுல போட்டுண்டா தானே? -வஞ்சுளம்

ஏன் போட்டுக்கல்ல ? இதோ என்று கல் பதித்த வைரக்கடுக்கனை ஒய்யாரமாக ஆட்டியாட்டி காட்டினார்.

ஓ, இப்ப கவி ,வைர [முத்து] கடுக்கன் முத்துன்னு எண்ணம் போல இருக்கு. அதான் இருட்டுல மினுக்கி காட்டறேள். என்ன மினுக்கினாலும் , காபி இன்னும் 2 1/2 மணி நேரம் ஆகும் .

சரி, என்ன தெரியும் னு   பாட்டெழுதப்போனேள் ? என்ன பாட்டு எழுதினேள் .

ஒரு பாட்டு குடுத்தா , சாஹித்யம் பரவால்ல , வார்த்தை அவ்வளவு தீர்க்கமா இல்ல அதை திருத்தி கொடுத்திருக்கேன் -இன்னும் பணம் தரல்ல அப்புறம் வாங்கித்தரேன் னு "திருப்பதி" சொல்லிருக்கார் 

என்ன பாட்டு ? வஞ்சுளம்

இரு என்று டேபிளில் இருந்து பேப்பரைக் கொண்டுவந்து படித்தார்

தூக்கம் உன் கண்களை தழுவட்டுமே [தழுவட்டுமே/ நழுவட்டுமே னு ஒன்னும் நன்னா இல்ல]-பட்டு

வஞ்சுளம் –“என்னது நன்னால் லியா ? இது கண்ணதாசன் பாட்டுன்னா? அதையா திருத்தினேள்?

நம்பல் லாம் அதுக்கெல்லாம் போகப்படாது” .

ஏன் ?-பட்டு ,

“அதுக்கு வேண்டிய தமிழ் பாண்டித்யம் நமக்கு இல்ல” -வஞ்சுளம்  ,

தொடரும்

அன்பன் ராமன்