No Cost Entertainment – 4

 No Cost Entertainment – 4

பத்து –பரமேஷ்-4

ஆமாம் மாயவரம் போய்டப்போறேன் னு               முழங்கரீறே  அங்க யார் இருக்கா? தெரியாமத்தான் கேக்கறேன் என்றாள் புஜம் என்ற ஹேமாம்புஜம். சற்று எகத்தாளமாக.

பத்து [பத்மநாபன்] என்ன சோப்ளாங்கியா , ஒரு அறை விட்டார் என்றால் 3 நாளைக்கு மோன நிலையும் முனகலும் தான் சித்திக்கும்.. பாவம் ஊஞ்சலே  உல்லாசம்  , வேண்டாம் இவள் சகவாசம் என்று இருந்த தூங்கும் புலியை இடறியாயிற்று இனி புலி அறைந்தாலும், குதறினாலும் உதவிக்கு யாரும் இல்லை.

ஓஹ் உனக்கு உலகம் ரொம்பத்தெரியும் -மாயவரத்துல யார் இருக்கா னு கேக்கறியே -அசடே கேட்டுக்கொள் என்று GOOGLE என்ஜின் திறந்தார் ; உடனே வந்தது பட்டியல்

நாகநாதசுவாமி கோயில், மயூரநாதர் கோயில், திருமணஞ்சேரி , சட்டநாத சுவாமி, , அபிராமி-அமிர்தகடேஸ்வரர் கல்யாண சுந்தர சுவாமி -இவ்வளவும் இருக்கு நீ யாரு ருக்கா னு சர்வஞானி மாதிரி பேசற போடி ஞானசூன்யம் என்று அதிர்ந்தார். ஹேமாம்புஜம் கோபத்தின் உச்சியில் இப்போது .

சரி நாலும் கிடைக்க நடுவுல திருமணஞ்சேரி யாமே  திருமணஞ்சேரி என்று வம்பிழுத்தாள். yes என்றார் பத்து. ஆமாம் நீயும் கூட போகவேண்டி வரும் . ஏன்னா உன்னை தலை முழுகிட்டு மறுவேலை பாப்பேன். ஹேமாம்புஜம் அசரவில்லை . என்ன  மறுவேலை? இன்னொரு கல்யாணமா ?

இன்னும் ரெண்டு கல்யாணம் நம்மாத்திலே யே நடக்கும் , ஒன்னு எனக்கு , அடுத்தது ஒனக்கு வேற வேற பொண்ணு மாப்பிளை , ஐயா எல்லாம் ரெடி பண்ணிட்டார் . பார் என்ன நடக்கிறதென்று என்று சிவாஜி கணேசன் தொனியில் முழங்கினார். .

இப்போதும் ஹேமாம்புஜம் அசரவில்லை. உங்கள யார் பண்ணிக்கிறேங்கறா என்று கம்பீரமாக பார்த்தாள்

இனி பத்து வின் இடி முழக்கம்

-அசடே கேள். சரியான வயசுல கொழுப்பெடுத்த பெரியவர்கள் எங்காத்து வரன் மடம் தான், வேற சிலர் முனித்ரேய ம் தான் என்று முழங்கி 40 வயசுக்கு வந்து, அப்பாம்மா போய்ச் சேந்து, வரன் குதிராம , குதிர் குதிரா பெண்கள் [அந்நாளைய பெண்கள்] மடமோ [மடையனோ] முனியோ [முனியாண்டியோ] ஆனாலும் பரவால்ல னு திருமணஞ்சேரிலே வாரம் 108 பிரதட்சணம் பண்ணிண்டிருக்கா. 

அதுல மைதிலி னு ஒத்தி -அழகுன்னா அவ்வள அழகு, பெரியவா அது வேண்டாம் இது வேண்டான்னு படுத்தி இந்த அப்சரஸ் இப்ப எவனாவது வந்தா போறும் னு இருக்கா. நான் எல்லாம் ரெடி பண்ணிட்டேன் என்று [பெரும் கற்பனையை]  அவிழ்த்ததுடன், நீ அவளைப்பாத்தேன்னா ஐயோ பெருமாளே என் கல்யாணத்தை காப்பாத்து , என்று 2 மண்டலம் அந்தக்கோவில் ல பிரதட்சணம் பண்ணுவ இது சர்வ நிச்சயம் . கோபத்தின் உச்சியில் புஸ் பஸ் என்று மூச்சு விட்டுக்கொண்டு ராஜநாகம் போல் நடுக்கூடத்தில் உறுமிக்கொண்டிருக்கிறார் பத்து என்கிற பத்மநாபன்

தொடரும்

அன்பன் ராமன்